Dastatu gure produktuak

Ekoizle guztiak

Eskualdeak

Eskualdeak (18)

Aiaraldea

Aiaraldea Arabako Herrialde Historikoko eskualde bat da, eta Bizkaiarekin muga egiten du Enkarterri inguruan (I/M) eta Gorbeia inguruan (I/E), baita Arabarekin ere Gorbeia Inguruak eskualdean. Burgosko probintziarekin ere egiten du muga H/M aldean (Burgosko Goi Haranak), eta halaber, arestian aipatutako Bizkaiko Arratia-Nerbioi eskualdean aurkitzen den Urduñako udalerriarekin.

 

 

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Aiaraldeak 332 km2-ko hedadura du, eta horrek esan nahi du Arabako Herrialde Historikoaren % 11 dela. 33.742 biztanle ditu, 5 udalerritan banatuak, eta Arabako biztanleria osoaren % 12 dira. Udalerri horiek ondoko hauek dira: Amurrio, Artziniega, Aiara, Laudio eta Okondo. 

[/tab]

[tab title="Esperientziak eta aisialdia"]

"Natura aberatsekoa eta edertasun paregabekoa", horrela defini dezakegu Aiara eta Goi Nerbioi Haraneko natura; toki pribilegiatua da aire libreko era guztietako kiroletan aritzeko eta natura-balio aparta duten paraje zoragarriak ezagutzeko. Gainera, beste hainbat aukera ere topatuko dituzu bertan abenturako jarduerak egiteko, gure gastronomia dastatzeko edo udalerriak bisitatzearekin batera bertako jendea ezagutzeko.

[/tab]

 

[tab title="Tradizio gastronomikoa"]

Aiaraldean gastronomia eta artisautzaren tradizioa oso aberatsa da, bai bertako lehengaien kalitateagatik eta bai horiek erabiliz prestatutako produktuengatik ere.

Eskualde honetako produkturik berezi eta garrantzitsuenetako bat txakolina da. Euskadin ohikoa den ardo zuri mota bat da, izan ere, txakolina egiteko lur aproposak topatzen baititugu Aiaraldean. Arabako Txakolina / Txakoli de Álava Jatorri Deiturak, baita horren Kontseilu Arauemaileak ere, Amurrion dute egoitza nagusia. Eskualde honetan, gainera, Bizkaiko Txakolina Jatorri Deitura duen ardo zuria topatzen dugu Urduñako hirian.

Azpimarratu behar da Txakolin Ozpina egin eta merkaturatzen dela eskualde honetan, eta ongarri apartatzat jotzen dela gastronomiako hainbat eta hainbat errezeta prestatzeko.

Eskualde honetako beste produktu aipagarri bat gazta dugu; izan ere, Idiazabal jatorri-deitura duen gaztaren zenbait ekoizle ditugu bertan. Artisau modura egindako gazta hau latxa ardiaren esnearekin egiten da eta ez du inolako gehigarririk.

Horrez gain, eskualdeko beste zenbait produktu tipiko nabarmentzen dira, hala nola: eztia, etxeko ogia, txorizoak, odolkiak eta abar... beren kalitateagatik fama handikoak, tradiziozko erara eta artisau moduan prestatuak. Eskualdean astero egin ohi diren azoka desberdinetan produktu horiek guztiak dastatzeko eta erosteko aukera dago.

Azkenik, aipatu behar dugu sekulako bultzada eman zaiela nekazaritza eta abeltzaintza ekologikoko produktuei: marmeladak, karakolak, frutak, haragia, gazta, barazkiak... Hala, produktu ekologikoek erakusleiho eder bat topatzen dute hilaren lehen larunbatean Urduñako Foru Plazan egin ohi den azokan.

[/tab]

 

[tab title="Estekak"]

Eskualde honetan lan egiten duen Landa Garapenerako Elkartearen izena ZABAIA da, eta mapa honen gainean sakatuz informazio guztia topa dezakezu.

Aiaratur webgunean ere ibilbideak eta esperientziak eta aisialdiko jarduerak aurkituko dituzu.

[/tab]

 

 

Gehiago irakurri...

Añana

Araba mendebaldeko haranak ezusteko atsegina izango dira bisitariarentzat, era askotako paisaiak topatuko dituelako. Bertako lurrak, baserri multzo batzuk tartekatzen direla, ia ez dira ezertxo ere aldatu hainbat mendetan, eskualde honek izan duen industrializazio urriari esker neurri handi batean. Iparraldean, Zuiako eta Aiarako haranak topatuko ditugu beren ur-jauzi freskagarri eta dorretxe sendoekin, eta hegoalderantz, berriz, paisaia benetan bereziak, hala nola Añanako Gesaltza edo Valderejo Parke Naturaleko mendi-zintzurra. 

Hegoaldean Gaubea Harana topatzen dugu, paisaia atlantikoaren eta paisaia mediterraneoaren arteko trantsizio-gunea. Añanako Gesaltzan, altuera desberdinetan pilatuta dauden terraza zurien multzo batek osatzen du paisaia. Gatza lurrunketa bidez erdiesteko larrainak dira. 

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Arabako Haranen eskualdea 10 udalerrik osatzen dute: Añana, Armiñon, Berantevilla, Iruña Oka, Kuartango, Lantaron, Erriberagoitia, Erriberabeitia, Gaubea eta Zanbrana.

 

 [/tab]

 

[tab title="Esperientziak eta aisialdia"]

Esperientzia guztiek oroitzapenak eragiten dituzte eta atxikimendu bat sortzen digute horrelakoak izan ditugun lekuekin; horrez gain, eskualde bakoitza modu desberdin batean ezagutzea ahalbidetzen digute, eta txoko eta bazter guztiak ezagutu ditzakegu egun dagoen eskaintza-aukera zabalari esker. 

Hemen daude Arabako herri eta herrixkarik zaharrenak; historiaz betetako lekuak dira, toki ezkutuak, leku bakoitzaren funtsa zein den ezagutzeko eta paraje ikusgarri bezain paregabeez gozatzeko aukera ematen dutenak, hala nola Añanako Gesaltza edo Valderejoko Parke Naturala.

 

 [/tab]

 

[tab title="Gure produktuak"]

Arabako haran hauetako produktu izarra Gatza da.  Añanako gatzagak Arabako herririk zaharrenean daude, duela 200 milioi urte itsaso zabal baten urek estaltzen zuten toki batean.

Aire librean dugun paisaia kultural bikain hau 5.000 larrainek baino gehiago osatzen dute: ur gazitua isurtzeko eta, eguzkiak lurrunduta, gatza erdiesteko plataformak dira. Egurrezko kanal-sare berezi eta zabal batek Gatz Haraneko lekurik ezkutuenetaraino eramaten zuen ura. XX. mendearen erdialdera bertan behera utzi zituzten gatzagak, eta bertako egurrak abiada handian hondatzen joan dira harrez geroztik. Hala eta guztiz ere, orain berriki Monumentu Historiko izendatu zituzten, eta gaur egun, eraberritze-prozesu batean murgilduta daude, etnografia nahiz turismo aldetik duten balioagatik. Horrela, horietatik 600 berreskuratu dira eta dagoeneko 400ek gatza ekoizten dute gaur egun. Jarduera gehieneko garaian, bost mila lurrunketa-plataforma baino gehiago zeuden haranean eta, guztira, 95.233 metro koadroko azalera okupatzen zuten. Gatza egiten den garaia aldatu egiten da urtero, baldintza klimatologikoen arabera. Oro har, maiatzean hasi eta urrian amaitzen da, baina eperik emankorrena ekaina eta iraila artekoa izaten da, hilabete horretatik aurrera gau luzeek atzeratu egiten dutelako lurrunketa-prozesua eta euri sarriek hondatu egiten dutelako erdiesten den gatz urria. Gatza egiteko moduari buruz eta horren jatorriari buruz gehiago jakiteko, eta gatz mota desberdinak ezagutzeko, hemen klikatu dezakezu.

 

Eskualdean aurkitu ditzakegun beste produktu batzuk dira hauek:

  • Eztia
  • Etxeko odolkiak eta txorizoak
  • Artisau erara egindako gazta
  • Arabako babarrun pintoa
  • Artisau erara egindako ogia
  • Artisau erara egindako gozokiak

 [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) AÑANA du izena, eta maparen gainean sakatuz beren webguneko informazio osoa eskuratu dezakezu.

Halaber, plan eta ihesaldi ugari topatuko dituzu AñanaDescubrela orrialdearen barruko gainerako webguneetan. 

 

[/tab]

 

Gehiago irakurri...

Arabako Errioxa

Arabako Herrialde Historikoaren barruan, Ebro ibai-bazterrak eta Kantabriako Mendizerraren hegoaldeko isurialdeak mugatzen dutela, Arabako Errioxa eskualdea aurkitzen da. Eskualde honek izaera propioa du, originala eta desberdina, eta kolore bizi eta aldakorreko paisaia paregabea da bere bereizgarria. Erdi aroko herrixken xarma gordetzen du oraindik ere, eta horrek frogatzen du lurralde hauetan bizi izan ziren biztanleek maitasunez zaindu izan dituztela mahastiak, olibadiak eta zereal-sailak.

Bertako hiriburua Laguardia da eta Gasteiztik 45 kilometrotara dago, eta Logroño hiritik 18 kilometro eskasera. Logroño, Gasteiz eta Bilboko aireportuek hegazkinez etortzea ahalbidetzen dute.   A-68 autopistak eta N-111 errepideak komunikazio ezin hobeak eskaintzen dituzte errepidez.

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Errioxako Araba osatzen duten udalerriak ondoko hauek dira: Mainueta, Eltziego, Bilar, Kripan, Bastida, Laguardia, Lantziego, Lapuebla de Labarca, Leza, Moreda, Navaridas, Oion, Samaniego, Villabuena eta Iekora.

 [/tab]

 

 [tab title="Esperientziak eta aisialdia"]

Eskualde honek mahastiekin eta olibadiekin duen harreman handiaren ondorioz, inguru honetako egonaldiaz gozatzeko modu ugari topatuko ditugu. Dela gastronomia alorrean edo dela naturarekin harremanetan jarriz, baina, betiere, Laguardiako urmaelean topatzen dugun biodibertsitate ornitologiko ikaragarria ahaztu gabe.

 [/tab]

 

[tab title="Gure produktuak"]

Mahastia dugu Arabako Errioxa eskualdean gehien egiten den laborea. Ezaugarri klimatologikoak eta edafikoak direla eta, inguru hau toki pribilegiatua da mahastizaintzaren eta ardogintzaren jarduerak garatzeko. Mahastia zaintzeko aurrerapenei esker eta mahastizaintza-metodo bereziei esker, kalitate handiko produktu bat erdietsi ahal izan da eskualde honetan.  Arabako Errioxan egiten diren mahats-barietateak hauek dira: Tempranillo, Viura, Graciano, Garnacha, Mazuelo eta Malvasia.

Olibazaintzari dagokionez, hainbat mendetan egin izan da Arabako Errioxaren historian, eta olibadia labore tradizional bat da, bertako kulturarekin lotua eta produktuaren jangarritasunean errotua. Lantziego, Oion, Labraza, Moreda, Kripan... herrietan ehunka urtetik gorako olibondoak ikus ditzakegu han-hemenka barreiatuak, eta zuhaitz horiek duten handitasunak edertasun paregabea eskaintzen digute udazkeneko mahatsondoen kolore gorriztarekin kontrastea eginez. Arabako Errioxako oliba-barietatea Arroniz izenekoa da, eta eskualde honetan eta Nafarroako erdialdean bakarrik topatuko dugu.

Horrez gain, olio-errotak ere topatzen ditugu, eta horrela, prentsa-sistema duten antzinako oliba-errotak eta oraindik ere martxan dauden kapatxak ditugu, hala nola Lantziegoko Udal Oliba Errota edo San Vicente de Oion Kooperatibaren Oliba Errota, edo halaber, etengabeko prentsa-sistema duten oliba-errota modernoak, hala nola Moredako Kooperatibaren Oliba Errota edo Oiongo Almazara R.A.ren Oliba Errota.

 [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) PEÑA LEÓN du izena. Eskualdeari buruzko informazio guztia eskura dezakezu Laguardia-Arabako Errioxako Kuadrillaren webgunean, mapa honen gainean sakatuz.

Arabar Errioxako Ardoaren Ibilbidearen webgunean ere plan eta ihesaldi ugari aurkituko dituzu. 

 [/tab]

 

Gehiago irakurri...

Arabako Lautada

Euskadiko beste inguru batzuekin konparatzen delako esaten zaio horrela Lautadari, baina berez ez da hain laua, nahiz eta onartu beharra dagoen bere eremu irekiak Euskadiko beste inguru batzuetakoak baino zabalagoak direla. Bere erliebeak hiru haran paralelo marrazten ditu. Iparraldean, Barrundia –"barrualdea" esan nahi du–, erdian Zadorra ibaiarena, eta hegoaldean Iruraiz harana.

Arabako Lautada iparraldetik mugatzen duten mendiak Euskal Autonomia Erkidegoko mendirik garaienak dira, eta Gipuzkoako lurraldean dagoen Aitxuri tontorrak ematen dio mendizerrari garaierarik handiena, 1.551 metrorekin. Arabako herrialdean, Lautadako mendirik garaiena Aratz da, 1.442 metro neurtzen dituela. Hegoaldeko mendizerretan, berriz, tontorrik garaiena Baio mendia da, 1.193 metro neurtzen dituela.

Lautada, betidanik, bideak elkartzen eta elkar gurutzatzen diren lurralde bat izan da. Gaur egun oraindik ere hala da, N1 autobideak eta Madril-Irun trenbideak zeharkatzen baitute, eta horri esker komunikazio bikainak ditu. 

 

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Arabako Lautada osatzen duten udalerriak ondoko hauek dira: Agurain, Dulantzi, Asparrena, Barrundia, Burgelu, Iruraitz-Gauna, Donemiliaga eta Zalduondo.

 [/tab]

 

[tab title="Esperientziak eta aisialdia"]

Eskualde honek bertako ondare historikoa ezagutzeko ibilbide interesgarriak eskaintzen dizkio bisitariari. Ugariak dira eskualde hau ezagutzeko moduak: bertako monumentu megalitiko batetik bestera joan gaitezke, edo barrualdeko Done Jakue Bidearen ibilbidean kokatutako elizak bisitatu, hala nola Gazeo edo Alaitza, Aguraingo herrigune historikoko harresia ezagutu, edo geldialditxo bat egin dezakegu Argomaizko Larreatarren Errenazimentuko Jauregian, gaur egun Turismo Paradore bilakatua. 

Naturari dagokionez, Lautada hau iparraldetik mugatzen duen Aizkorriko Parke Naturalak nahiz hegoaldetik mugatzen duten Entzia eta Iturrietako mendizerrek aukera ugari eskaintzen dituzte mendi-ibilaldiak egiteko. Gainera, Uribarri-Ganboa urtegiaren inguruan kokatuta dagoen Garaio Parkera ere joan gaitezke, bainurako egokitutako hondartza batzuk dituela, baita Mendixur Ornitologia Parkera ere, hegaztiak aztertzeko toki ezin hobea baita. Hori guztia, eskaintza gastronomiko interesgarri eta askotariko batez osatua, eta horren barruan, Idiazabal jatorri-deitura duen gazta nabarmentzen da.

 

 [/tab]

 

[tab title="Gure produktuak"]

Lautadan oraindik ere atsegin dute otordu xumeak egitea, baina horrek ez du esan nahi albora uzten dituztenik plater landuagoak, betidanik gogoko izan dutelako kanpotarrek dituzten gauza onetatik ikastea. Patatak txorizoarekin dasta ditzakezu, edo babarrun batzuk beren sakramentu guztiekin, porru batzuk, patatekin baldin bada hobe, jakina, bakailao on bat, baita beste edozein arrain ere. Era berean, entsalada apartak, menestrak, babak bere garaian, onddo-nahaskiak, perretxiko batzuk edo karakolak. Eta ehizakiak ere ezin dira albora utzi, garaia denean.  Hori guztia, eta gehiago ere bai, dastatu ahal izango duzu Lautadan, amonengandik ikasitakoari bertako sukaldarien jakituria eta berrikuntzarako gogoa gehitu behar dizkiogulako.

 [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) LAUTADA du izena.

Eskualdeari buruzko informazio guztia eskura dezakezu Arabako Lautadako Kuadrilaren webgunean edo mapa honen gainean sakatuz.

[/tab]

 

Gehiago irakurri...

Arabako Mendialdea

Arabako Mendialdea Eskualdea Arabako Herrialde Historikoaren hego-ekialdean kokatua dago. Arabako Mendialdera joatea edertasun paregabeko paraje eder batzuetan barrena ibiltzea bezala da, eta gainera, kirol eta kultur arloko jardueren aukera zabal batez gozatzeko aukera izango dugu.

Haran txiki eta mendi artean ezkutatuta, erdi aroko herri zoragarriak topatuko ditugu, beren harresi eta dorreen artean jauregiak eta oinetxeak ederki zainduta dituztela, antzinako eliza eta baselizekin batera, Arabako Mendialdeak duen aberastasun artistiko eta kulturalaren lekuko gisa.

Berezitasun handiko inguru natural honetan, landaretza eta fauna aberatsa eta askotarikoa topatuko dugu, eta Arabako Mendialdeak, besteak beste, ibilbide atsegin eta lasaiak egiteko, golfa nahiz hipika probatzeko edo hobetzeko, eskalatzen aritzeko edo mendi-zidorretan barrena ibiltzeko modua eskaintzen digu.

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Arabako Mendialdea izeneko eskualdea osatzen duten udalerriak hauek dira: Arraia-Maeztu, Bernedo, Kanpezu, Lagran, Urizaharra eta Arana, eta 47 herrigunetan banatuta daude.

 [/tab]

 

[tab title="Esperientziak eta aisialdia"]

Alternatiba desberdinak proposatzen dizkizugu gure eskualdean landa-turismoa egiteko, esperientziak uztartuz, eta gure ondare naturalarekin, kulturalarekin eta era guztietako tradizioekin osatu ahal izango duzu gainera. Zalantzarik gabe, Arabako Mendialdea leku ezin hobea da naturaz, aire libreko kirolez eta bertako herriek nahiz jendeek gordetzen duten ondare historiko eta kulturalaz gozatzeko.

 [/tab]

 

[tab title="Gure produktuak"]

Herri baten tradizio gastronomikoak eta sukaldaritza-ohiturak bertako herritarren historiaren eta gizarte nahiz kultura arloko ohituren adierazpiderik onenak dira. Hala, Zuiako Kuadrillako tradizio gastronomikoa lurralde honek eskaintzen dituen baliabide ugarien ustiapen zuzen nahiz zeharkakoarekin hertsiki loturik dago. 

Euskal Herriko ezaugarririk nabarmenenetako bat gure kultura gastronomikoa da, eta horrexegatik, gure ingurunean oso faktore garrantzitsua da elikadura.

Gure elikagaiak Arabako Mendialdean ekoitziak dira, eta horri esker, larreek, animaliek eta fruituek aberastasun aparta duten inguru bateko baratzetan egindako produktuak goza ditzakegu.

 

Produktuak: 

•Eztia

•Patata

•Gazta

•Egoskariak: babarrunak eta garbantzuak

•Txekor-haragia eta zaldi-haragia

•Odolkiak eta odolkiz egindako produktuak

•Boilurra

 [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) IZKI du izena, eta mapa honen gainean sakatuz Izkinatural webguneko informazio guztia eskura dezakezu.  

[/tab]

 

Gehiago irakurri...

Busturialdea

Bizkaiko Herrialde Historikoaren ekialdean kokatua dago Busturialdea eta eskualde honen barruan 20 udalerri sartuta daude. Lurralde honek oso erliebe gorabeheratsua du, Gernikako itsasadarretik hurbilen dagoen inguruan izan ezik, eta bertan, bi mendizerra bereiz ditzakegu (Bizkargi eta Oiz); bien artetik korridore bat doa, Oka ibaiaren ibilgu dena, Kantauriko itsasoan itsasoratzen den arte. 

Okupatzen duen hedadura zabalari esker (Bizkaiko hedadura osoaren % 13) eta mantentzen duen kontserbazio-egoera natural onari esker, Euskadin paisaia nahiz ekologia aldetik dibertsitate handiena duten gune naturaletako bat dugu gaur egun. Hori dela eta, eskualde honek hartzen duen hedadura gehiena Gizateriaren Ondare eta Biosferaren Erreserba izendatu zuten 1984. urtean.

 

 {jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

 

[tab title="Udalerriak"]

Busturialdea eskualdea osatzen duten udalerriak honako hauek dira: Ajangiz, Arratzu, Bermeo, Busturia, Ea, Elantxobe, Ereño, Errigoiti, Forua, Gautegiz-Arteaga, Gernika-Lumo, Ibarrangelu, Kortezubi, Mendata, Morga, Mundaka, Murueta, Muxika, Nabarniz eta Sukarrieta.

 [/tab]

 

[tab title="Esperientziak eta aisialdia"]

Busturialdeko udalerriak ezagunak dira beren baliabide natural, historiko-kultural, arkitektoniko eta etnografikoengatik, eta horiek guztiak modu askotara ezagutu ditzakezu, bertan kultura eta natura uztartzen direlako aukera sorta benetan zabala eskaintzeko. Ibilalditxo bat egin dezakezu Omako basoan barrena, Santimamiñeko kobak bisitatu, erromesen antzera Gaztelugatxeko Donienera joan edo Gernikako zuhaitzaren ondoan gure historiaz oroitu.

Busturialdea kultura, paisaia eta etnografia aldetik balio handiko eskualde bat da. Bertako altxorrik preziatuenetako bat Urdaibai da, UNESCOk 1984. urtean Biosferaren Erreserba izendatua. 

Horrez gain, mendiko bizikletan ibiltzeko prestatutako 11 ibilbide topa ditzakezu, mendi-bideen sare bat –PR (ibilbide laburra) nahiz GR (ibilbide luzea)–, inguratzen zaituen paisaia deskubritu eta miresteko eta bertako jendea ezagutzeko. Eta atsegin duzuna uretan ibiltzea baldin bada, uretako jarduerak egiteko eta kirolean aritzeko hainbat eta hainbat aukera topatuko dituzu.

 [/tab]

 

[tab title="Gure produktuak"]

Kostaldea eta barrualdea elkarrekin uztartzen dituen eskualde bat da Busturialdea. Horri esker, aniztasun gastronomiko itzela dugu bertan. Lurretik nahiz itsasotik onena ateratzearren baserritarrek eta arrantzaleek egindako ahaleginaren eta eskainitako mimoen emaitza da eskualde honetan erdietsitako guzti-guztia.

Bizkaiko Txakolina: Lan gogorraren eta elkarlanaren emaitza gisa, 1994. urtean "Bizkaiko Txakolina" Jatorri Deitura sortu zen. Antzinatik datorkigun ardo hau ezagutarazteko, balioesteko eta babesteko helburuarekin sortu zen J.D. hau, eta gure baserritarren lan finari esker eta barietate autoktonoak erabiliz Kantauri aldean egindako mahastizaintzaren emaitza dugu. 

Kiwia: Busturialdean kiwia hazteko baldintzarik egokienak topatzen ditugu, eta horrexegatik, Bizkaian fruta hau ekoizten duen eskualde nagusia da. 

Gernikako Indaba: Eusko Labela duten Gernikako Indabak kalitate goreneko babarrunak dira, hautatutako barietatekoak eta dastatzaile profesionalek "oso ontzat" edo "bikaintzat" jo dituztenak. Forma obalatua eta luzexka dute.  Bizkaian gaur egun urtean 1.343 kilogramo Gernikako Indaba egiten dira, hiru hektarea pasatxotan. Gernikako Indabak artisau erara baserritik hurbil dauden baratze txikietan egiten direnez gero, ingurumenarekin errespetu handienarekin jokatzen duten laborantza-teknikak erabiltzen dira.

Baserriko ogia: Egurrezko labean tradiziozko erara egindako ogia.

Eztia: Eztia elikagairik antzinakoenetako bat da, eta ezin konta ahala propietate sendagarri ditu.

Sagardoa: Eusko Labela duen Sagardoa sagardo naturala da, % 100ean Euskadiko sagarrarekin egina eta hasieratik bukaeraraino kontrolatua.

Behi, ardi eta ahuntzaren esneaz egindako gaztak: Euri sarriei esker Euskadin dugun klima hezearen ondorioz larre berde-berdeak ditugu hemen. Gure lurraldean, abereak larrean bazkatzen dira; ondorioz, zapore bereizgarri bat eskaintzen diote beren esneari eta, hain zuzen ere, esne hori dugu zapore paregabeko gazta hauek ekoizteko lehengaia. Eremu honetan hiru eratako abereak ditugunez gero, eskaintza zabala eta askotarikoa da, eta bilatzen ari zaren gazta topatuko duzula ziurtatzen dizu horrek. Gazta natural, zaporetsu eta elikagarria.

Gernikako Piperrak: Bere ezaugarriak hauek dira: ez da oso luzea, txorten estu eta luzexka du eta tarteko kolore berdekoa da. Bere zapore bikainak eta fintasunak liluratuta utzi ditu aho-sabairik zorrotzenak, eta gaur egun, erreferentzia garrantzitsua dira goi mailako jatetxeetan.

  [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) URREMENDI du izena, eta mapa honen gainean sakatuz beren webguneko informazio guztia eskura dezakezu.

TurismoUrdaibai webgunean ere plan eta ihesaldi ugari aurkituko dituzu.

 

 [/tab]

 

Gehiago irakurri...

Debabarrena

Debabarrenako eskualdea Gipuzkoaren mendebaldean aurkitzen den eskualde bat da, eta Urola Kosta eta Lea Artibai eskualdeekin egiten du muga. Kontrastez beteriko eskualde bat da, eta kostaldeko udalerriek, Mutrikuk eta Debak esaterako, itsasoaren presentzia duten arren, larrediz eta zelai zabalez osatutako paisaia bat islatzen dute.   Barrualdea Soraluze, Eibar, Elgoibar eta Mendaroko haranek osatzen dute, hiriak presentzia nabarmenagoa duela, eta horietan azpimarratzekoa da industriak izandako garapen garrantzitsua. Tokiko orografiaren ezaugarri bereziena aldapa handiak eta bide laburrak dira, aldamenean itsaslabar zorrotzak dituztela.

 

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Debabarrenako eskualdeak 183,4 km2-ko hedadura du, eta sei udalerrik osatzen dute: Mutriku, Deba, Mendaro, Elgoibar, Soraluze eta Eibar, eta guztira, 54.228 biztanle bizi dira bertan, hots, Gipuzkoako herrialde historiko osoko biztanleriaren % 8,05.

[/tab]

[tab title="Esperientziak eta aisialdia"]

Harri eta zur geratuko zara Debabarrenako irudi zoragarriak ikusita, hala nola, Deba eta Mutriku arteko itsasertz malkartsua, Mendaroko udalerria, Eibar, Elgoibar eta Soraluzeko industria-paisaia, edo Olatz, Lastur eta Kilimongo haran ezkutuak. 

Eskualdeko toki desberdinetan barrena doan ibilbide hori modu ezin hobea da bertako paraje eder, berezi eta zoragarrietaraino iristeko. 

 [/tab]

[tab title="Gure produktuak"]

Debabarrenako produktuek –lanbide zaharrek, zaporeek eta usainek bezalaxe– eskualde bakoitzaren historia eta bizimodua ezagutzeko aukera eskaintzen digute gure zentzumenen bidez dastatzen ditugunean, eta horrexegatik, sentsazio berriak ezagutu nahi horrek lurralde honetan barrena ibiltzera bultzatuko gaitu.

Eskualdeko produktuen barruan hainbat produktu fresko, kontserba, haragi, esneki, arrautza, ezti, gozoki, ogi-olio eta edari topatzen ditugu.

Produktu onak, freskoak eta denboraldikoak dira, osasungarriak, zaporetsuak eta zentzumenak pizteko modukoak. Gainera, produktu horiek gure komunitateko elikadura-kultura zaintzen eta biodibertsitatea babesten laguntzen dute.

 [/tab]

[tab title="Estekak"]

Eskualde honetan lan egiten duen Landa Garapenerako Elkarteak (LGE) DEBEMEN du izena, eta mapa honen gainean sakatuz beren webguneko informazio guztia eskura dezakezu.

Debabarrenaturismo webgunean ere plan eta ihesaldi ugari aurkituko dituzu

 

[/tab]

 

Gehiago irakurri...

Debagoiena

Debagoiena eskualdea Euskadi erdialdean kokatua dago, Gipuzkoaren hego-mendebaldean. Deba ibaia da eskualdea egituratzen duen ardatz nagusia.

Eskualde estua da, aldapa handiko orografia batean txertatua, eta horrek zaildu egiten du haztea eta hedatzea, eta, hori dela eta, ardatz nagusia eratzen duten herriek demografia handiko herriguneak dituzte. 

Duen kokapenak (Herrialde Historikoko hiru probintziekin egiten du muga) Arabako eta Bizkaiko probintziekin harremanak edukitzea errazten du, eta oso joera zabaldua da Debagoienatik beste probintzia horietara joatea. Arrasate dugu eskualde honetako herrigune nagusia, eta bigarrena Bergara da.

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Eskualdea osatzen duten herriak, Deba ibaiak egituratzen duen ardatz nagusi horretan, Leintz-Gatzaga, Eskoriatza, Aretxabaleta, Arrasate eta Bergara dira. Ardatz horren ezkerraldean Elgeta aurkitzen da, eta eskuinaldean Antzuola eta Oñati. 

 

 [/tab]

 

 [tab title="Esperientziak eta aisialdia"]

Artea, natura, gastronomia eta festa-tradizioa uztartzen dira lurralde honetan. Hortxe ditugu Arantzazuko Santutegia –horren eraikuntzan izen handiko artistek parte hartu zuten, hala nola Chillida, Oteiza, Nestor Basterretxea eta Lucio Muñoz–, Oñatiko eta Bergarako herrigune monumentalak, Arrasate, Elgeta, Leintz-Gatzagako erdi arloko herriguneak, Eskoriatzako Ibarraundi museoa edo Elgetako Memoria Historikoaren Euskal Interpretazio Zentroa, iraganaren sekretuak, bertako monumentuen handitasuna eta inguruko parajeen edertasuna guri ezagutarazteko zain.

 

 [/tab]

 

[tab title="Gure produktuak"]

Fruta zaporea duen fruta, gure baratzetako barazkiak edo aire librean hazitako abelburu baten benetako haragia dastatzean gozatu egiten duzu?  Gu bezain autoktonoa den ardi baten esneaz egindako gaztaren zaporea gozatzen du zure aho-sabaiak?  Eta zure etxea alaitasunez betetzen duten basaloreei polena lapurtu dieten erleek egindako eztia?

Horren guztiaren atzean eta beste gauza askoren atzean gure eskuak daude; Eskualdeko produktuak sortzen dituen jendearen eskuak:

  • Frutak, barazkiak eta loreak: Gauzak gero eta azkarrago aldatzen ari diren mundu honetan, gure fruta, barazki eta loreen zaporeak, usainak eta koloreak aldagabe irauten dute... benetakoa izaten jarraitzen dute.
  • Gazta
  • Eztia
  • Etxeko ogia: Produktu onenek bakarrik betetzen dituzten arau etikoak eta kalitate-arauak errespetatzen dira prestakuntzan: lehengai on bat, legamia tradizionalez egindako hartzidura luzea eta egurrezko labe baten benetako sua.
  • Ogi eta gozogintza ekologikoa
  • Txakolina: Ardo gazte eta freskoa da; mahats autoktonoez bakarrik egindako ardoa, eta higiene eta osasun aldetik nahiz kalitate aldetik teknologia aurreratuenak eskaintzen dizkigun bermeekin.
  • Lumagorri Oilaskoak: Estilo tradizionalean haziak, betidanik egin izan den moduan: aire librean, eta espazio fisikoa eta argiztapenaren eta tenperaturaren ziklo naturalak errespetatzen dituzten instalazio batzuetan. Beren elikaduran artoa dieta osoaren % 60 da, eta gainerakoa, amalurrak eskaintzen digu zuzenean.

 [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) Debagoiena du izena, eta maparen gainean sakatuz beren webguneko informazio osoa eskuratu dezakezu.

Debagoiena Turismoaren webgunean plan eta ihesaldi ugari topatuko dituzu.

 

[/tab]

 

Gehiago irakurri...

Donostialdea-Bidasoa

Hiriburuaren lilurak ez digu ahaztarazi behar Donostialdeak, hots, hiriburua inguratzen duen eskualdeak dituen xarmak. Hasteko, sagardoaren eskualdea da, erdigunea Astigarragan duela, baina presentzia handia du, halaber, bai Hernanin eta bai Usurbilen ere. Ezin diogu muzin egin bizitasun handiko sagardotegi horietako batean bazkaltzeko edo afaltzeko ohiturari, sagardoaren garaian bereziki.

Donostialdea kontrastez beteriko lurraldea da. Metro gutxiren barruan, Aiako Harria parke naturalaren berdetasunaren aldamenean, Errenteria edo Pasaiako industria-paisaiak topatzen ditugu. Baserri-eremuetatik Gipuzkoako portu garrantzitsuenen jarduera bizietara. Bazter erromantikoetatik (Pasai Donibane) antzinako gotorlekuetara (San Marko).

Kostaldeko mendi erakargarriz josirik dago itsasertza, eta bertatik, belarretan eserita, zerumugari begira jar zaitezke. Ulia eta Jaizkibel mendien artetik itsasoak barrualdera egiten du Pasaiako badian, eta inguru honek duen aniztasuna islatzen da Pasaiako lau barrutietan. Xarma erromantikoa Pasai Donibanerena da.

 

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Donostialdea eskualdea osatzen duten udalerriak hauek dira: Lasarte-Oria, Hernani, Astigarraga, Andoain, Urnieta, Usurbil, Pasaia, Lezo, Errenteria, Oiartzun, Irun eta Hondarribia.

  [/tab]

 

[tab title="Esperientziak eta aisialdia"]

Mendi-ibilaldiak egiteko ezin aproposagoa den eskualde honetan bi gauza nabarmentzen dira bereziki: Donostiako Hipodromoan zaldiak lauhazka bizian ibiltzen diren egunetan Lasarte-Orian izan ohi den giro aparta eta Hernaniko eraikin historikoen sendotasuna. Horrekin batera, Urumea ibaiaren ibarrek eta mendi-tontor txikiek, Adarrak esaterako, paisaia zoragarriak eskaintzen dizkigute mendi-ibilaldiak egiteko. Andoaindik Leitzarango biotopo babestura joan gaitezke, eta Plazaolako trenbidearen bide berdea aprobetxatuz, tunelak eta zubiak zeharkatuz, haran estu eta liluragarri bat ezagutuko dugu.

Natura eta gizakion sormen-indarra eskutik helduta agertzen zaizkigu Hernaniko Zabalaga finkan. Han, Chillida-Lekun, antzinako baserri baten eremu-zelaiak eta barrualdea artearekin bat eginik ikusiko ditugu. 

Lezoko herrigunea, bertan Santo Kristoren basilika dugula, Errenteria, Gipuzkoako hirugarren hiririk jendetsuena, eta Oiartzun, toki atseginak dira bertako ondare historiko txundigarria ezagutzeko. Oiartzunen paisaia landatarragoa bilakatzen da. Aiako Harria parke naturalerantz goazela eta granitozko gailurrak eta monumentu megalitikoak geure aldamenean ikusten ditugula, zarata atzean utzita, baserriz eta basoz inguratuta ibiliko gara Arditurriko bidegorrian. 

Bidasoa ibaiak eta itsasoak topo egingo dute Txingudi badian, Jaizkibel mendiaren babesean eta natura, kultura nahiz historia aldetik ondare baliotsuz beterik dagoen eremu zabalean.  Bidasoa ibaiak Frantziako eta Espainiako estatuen arteko muga egin izan du hainbat mendetan. Muga ondoan zegoenez, borrokaz jositako historia gorde du. Izan ere, Hondarribia dugu Gipuzkoa osoan harresiak gorde dituen hiri bakarra, eta bai Hondarribiak eta bai Irunek ere garai bateko garaipenak gogorazteko sortu izan zituzten alardeak ospatzen dituzte jai-giroan. Antzina gatazka-iturri izandako kokapen estrategiko hori, gaur egun, balio erantsi bat da eskualdearentzat, eta horrela, esate baterako, Ficoba erakustazokan (Irun) mugaz gaindiko azokak antolatzen dira. Komunikabide onak ditu, bai Hondarribiko aireportuari esker eta bai Biarritz ere hurbil dagoelako ere, eta hori beste abantaila bat da.

Hondarribia distira handiko herri bat da, eta bertan, hondartza zabal bat, kirol-portua, Marina auzo kutuna eta harresiz inguratutako herrigune historiko eder bat ditugu. Irun, biztanle kopuruari dagokionez, Gipuzkoako bigarren hiria da, eta bertako merkataritzak duen bizitasunagatik nabarmentzen da.  Ibaiaren beste aldean, hondartza zoragarria eta frantses kultura eskaintzen ditu Hendaiak. 

Bizi ezazu esperientzia berezi bezain paregabe bat, eta Oarsoaldeaz sekulako oroitzapen ona eramango duzu. Esperientzia horiek, hain zuzen ere, maisu txokolategile bihurtu eta txokolatezko trufak egitetik hasi eta egun batez euskal sukaldaritzaren chef handi bilakatzeraino doaz, Pasaian egun oso batez marinel bihurtuz, euskal herri-musikaren soinuak sentituz edo, zergatik ez, meategi baten barrunbeetan murgilduz.

 

  [/tab]

 

[tab title="Gure produktuak"]

 

  [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) BEHEMENDI du izena, eta mapa honen gainean sakatuz edo Donostiarural webgunean Eskualdeari buruzko informazio guztia eskura dezakezu.  

 [/tab]

 

Gehiago irakurri...

Durangaldea

Durangaldea, ia oso-osorik, Ibaizabal ibaiaren haranean kokatua dago, Lur Laua esaten zitzaion inguruan, Bizkaiaren hego-ekialdean. Iparraldetik Oiz mendiarekin eta hegoaldetik Anboto mendiarekin, Aramotz mendizerrarekin eta Durangaldeko mendiekin egiten du muga.  Mendi hauek Bizkaiko eskualderik eder eta magikoenetako bat bilakatzen dute 13 udalerrik osatutako eskualdea.

Euskal Herriaren barruan kokapen estrategikoa du Durangaldeak. Lur emankor hauetan Historiaurretik bizi izan da jendea. Historiak bere seinaleak eta aztarnak utzi ditu Durangaldeko lurretan. Kareharrizko tontorrek, muino berdeek eta haran leunek osatzen duten paisaia eskualde honetako udalerri bakoitzak duen ondare historiko artistiko aberatsarekin nahasten da.

 

 

{jutabs theme="style03" width="100%" skipemptyitems="true" changetab="click" initialeffect="true" ajax="false" tabeffect="fade" currentitemeasing="linear" nextitemeasing="linear" swipetouch="true" triggerwindowresize="true" slidetotab="false" view="fulltext" parseplugin="true" type="tab" tabscroll="true"}

[tab title="Udalerriak"]

Durangaldea eskualdea osatzen duten udalerriak ondoko hauek dira: Abadiño, Amorebieta-Etxano, Atxondo, Berriz, Durango, Elorrio, Ermua, Garai, Iurreta, Izurtza, Mallabia, Mañaria, Zaldibar.

 

  [/tab]

 

[tab title="Esperientziak eta aisialdia"]

Gure eskualdea bisitatzera gonbidatzen zaitugu. Murgil zaitez Urkiolako Parke Naturaleko bide, baso eta mendietan barrena. Mirets ezazu Parke itzelean dugun landaretza eta fauna aberatsa.

Utz ezazu euskal mitologiaren mendi sakratu eta Mari jainkosaren bizileku den Anbotoren bistak lilura zaitzala. Goza ezazu gure herrietako giroaz: bertako kulturaz, ondareaz, monumentuez, euskararen soinuaz, jaiez, tradizioez, modernotasunaz eta folkloreaz.

Gure gastronomia bikainaren oinarri diren artisau-produktu autoktonoak dastatzera ere gonbidatzen zaitugu. Nekazaritza-auzoetako baserrietan mimo handiz ekoitzitako produktuak. Ehundik gora urte dituzten kareharrizko eta egurrezko eraikin ikusgarriak, mendeetan barrena bizitzaren zentzua eta paisaia paregabea gordetzen jakin dutenak. Durangaldean Euskal Herriko baserririk ederrenak topatuko dituzu.

Bizkaiaren funtsa gordetzen duen Durangalde hori ezagutzeko abenturari ekitera gonbidatzen zaitugu. Euskal Herrian ez dira asko izango Durangaldeak bezala industria-jarduera eta modernotasuna landako bizimoduarekin uztartzen jakin duten eskualdeak.

Zatoz Durangaldera. Hasi ezazu bidaia miresgarri hau, txoratuta utziko baitzaitu zalantzarik gabe.

 

  [/tab]

 

[tab title="Gure produktuak"]

Durangaldeko eskualdeak kalitate eta bikaintasun goreneko produktuen aukeraketa on bat eskaintzen du, Durangaldeko baserrietan mimo handiz ekoitziak. Durangaldeko haran berde eta muinoetako lur emankorretan sakabanatuta hainbat eta hainbat baserri topatzen ditugu beren baratze eta artaldeekin.  Nekazaritzako eta abeltzaintzako ustiapen hauek, Euskal Herriko paisaia bukolikoari bere horretan eusteaz gain, kalitate handiko produktuak ekoizten ere laguntzen dute: esnea, haragia, behi-gazta, Idiazabal J.D. gaztak, txakolina, sagardoa, frutak, barazkiak, eztia, ogia, gozogintza, besteak beste. 

Durangaldea eskualdea bisitatzera animatzen zaituztegu, eta bertako herri, auzo eta mendietan barrena ibiltzera. Gonbidatzen zaituztegu bertako udalerrietako giro biziko kaleetan barrena ibiltzera eta taberna eta jatetxeetan eskualdeko produktu bikainenekin egindako bertako gastronomia dastatzera:

  • Fruta eta barazki freskoak.
  • Fruta eta barazkien kontserba naturalak.
  • Ezti milalorea eta txilar-eztia.
  • Behi-esnea.
  • Ardi-esnea.
  • Eusko Label jatorri-deitura duen sagardoa edo Bizkaiko Sagardoa
  • Bizkaiko Txakoliña Jatorri Deitura duen txakolina
  • Idiazabal J.D. duen ardi-gazta.
  • Artzain Gazta.
  • Larrei esker kalitate bikaina duten  Euskal Herriko JD abelgorri-okelak.
  • Euskal Herriko esneko arkumea. Baserrietan aire librean hazten dira, bere amaren esnea bakarrik edaten dute eta 3 eta 5 aste bitartean hiltzen dira.
  • Lumagorri Eusko Labela duen Oilaskoa.
  • Mendian hazitako Basatxarri eta Txerrizaleok txerriak.
  • Ogia eta gozogintza.
  • Eskualdeko artisauek egindako artisautza-produktuak.

  [/tab]

 

[tab title="Estekak"]

Eskualde honetan lan egiten duen Landa Garapenerako Elkarteak (LGE) URKIOLA du izena, eta mapa honen gainean sakatuz beren webguneko informazio guztia eskura dezakezu.

 [/tab]

 

Gehiago irakurri...
Harpidetu RSS feed honetara