ANENIEOk Nirearekin indarrak batu ditu landa, itsasertz eta hiriko gizarteak batzearen alde

Aragoiko, Nafarroako eta Euskadiko Nekazaritza Ingeniarien Elkargo Ofiziala Nireara atxikitu da Eragile Ekintzaile bezala. Rol honek Sareko beste kideekin partekatutako hainbaat helburu ditu erantsita:

• Nireako helburuen alde, beste eragileekiko erantzunkidetasuna erraztu.
• Nireako balioak bultzatzen duten proiektu eta ekimenak sustatu, ikusarazi eta parte hartu.
• Landa eta hiriaren arteko birkonexioa sustatu sentsibilizazio ekintzen bidez.
• Programaren eta lehen sektorea eta landa eta itsasertzaren balioen eta garrantziaren bozgorailu izatea.
• Eragileen “Nirea Sarea”-n parte hartu, esperientzia, “egitea jakin” eta proiektuak partekatuz.
• Gure landa eta itsasertza bizi mantentzeko Euskadiko gizartearen sentsibilizazio eta erantzunkidetasuna bultzatzen lagundu.

ANENIEO irabazi asmorik gabeko eta autofinantzatuko erakundea da. Honek bere ekintzak garatzeko oso garrantzitsua den independentzia ematen dio. Printzipio demokratiko eta gardenak jarraitzen ditu. Bere kideen eta euren zerbitzuen erabiltzaile eta kontsumitzaileen babesaz gain, bere xedeen artean landa eremuaren eta  nekazaritzako elikagaien sektorearen balorazio soziala hobetu eta nazio- eta nazioarteko administrazio eta erakundeekiko elkarlana aurkitzen dira.

Aipatutako konpromisoak betetzea ez da zaila izango Elkargoarentzat, bere Plan Estrategikoan jasotako hainbat helburu operatibo eta ildo estrategikoekin bat baitatoz. Estrategia honen baitan, Elkargoak honako hauek bezalako ekintzak garatu ditu:

• Bi urtean behin, Landa Garapeneko Foro Nazionala antolatzen du, ikuspuntu ireki eta partehartzailearekin.
• Nekazaritzako elikagaien sektoreko hainbat informazio- eta formakuntza-jardunaldiak antolatu eta parte hartzen du.
• 2018tik Lurzoruaren Mundu Eguneko (#WorldSoilDay) jardunaldiak egiten ditu, FAOk sustatutako nazioarteko ekimena jarraituz. Hiru jardunaldi egiten dira: Euskadin, Nafarroan eta Aragoin.
• Jarduera profesionalean, nekazaritzako elikagaien sektorean eta landa eremuan eragiten duten plan, arau eta proiektuen lanketa prozesu eta ekimenetan aktiboki parte hartzen du, erakunde ezberdinen aurrean azalduz prozesu arautzaile, parte-hartze publiko eta proposamenen adierazpenetan.
• Kooperazio proiektuak (Landa Garapeneko Programak) bi helbururekin:
  • Kolektiboaren profesionalizazio eta ikusgaitasuna hobetzea, bai nekazaritzako elikagaien sektorean, bai gizartean orokorrean.
  • Agronomia-ingeniarien ikusgaitasun publikoa hobetzea eta bere eremu profesionalaren garapenari laguntzea:
    • Alianza Agroalimentaria Aragonesaren “Verde que te quiero verde” jardunaldiak, beste kolektibo sozialekin elkarlana bilatuz.
    • Sektorean ikusgaitasun handia ematen duten hainbat kooperazio proiektu.

Nirea sarea