Urkiola Landa Garapenerako Alkarteak jardunaldiak antolatu ditu Durangaldeko elikadura-komunitatea sendotzeko asmoz.
Azaroaren 28an eta abenduaren 13an egingo dira jardunaldiak, Durangon.
Jardunaldi hauen helburua da Durangaldetik kanpoko esperientzia inspiratzaileetatik ikastea, tokiko elikadura-komunitatea eratzeko bidea osatzen joateko.
Durangaldeko ekoizpenaren eta kontsumoaren mapa Tokiko elikadura-komunitatearen alde lan egiten duten bertako elkarteen esperientziak.
Jardunaldi hauek Neus Monllor eta Saioa Alvarez adituek gidatuko dituzte, eta aldi berean, Femgarabateko artista argiek marrazkiak egingo dituzte zuzenean, ekitaldiari ukitu berezi bat emateko. Durangaldean elikadura osasungarriarekin loturiko ekimenen berri izan nahi duten pertsonen eta errealitate hori egia bihurtzen dutenenen elkargune izan nahi du ekitaldi honek.
Tokiko ekoizpen eta kontsumo taldeen esperientzien berri emango da, eta prozesu zoragarri horren ekoizpen arloa aztertuko da.
Beste leku batzuetatik ikasi, guk zer nahi dugun ikusteko. Zeinek bere lurraldean, elikadura-komunitate baten alde lan egiten duten esperientzia inspiratzaileak.
Tokiko elikadurarekin zerikusia duten proiektu kolektiboetan parte hartzeko moduak aztertu nahi dituzten pertsona guztiei zuzenduta daude jardunaldiak. Biziola eta CERAI esperientzien berri emango da.
Urkiola Landa Garapenerako Alkarteak jardunaldi hauetan parte hartzera animatzen ditu herritarrak, hala, Durangaldeko lehen sektoreari eta elikadurari buruzko kontakizun baikor, eraikitzaile eta itxaropentsua osatzen laguntzeko.
Informazio gehiago: https://durangaldeaelikadura.eus/helmugatik-jatorrira/
