Gipuzkoako Foru Aldundiak, Baserria KM0, Basotik Fundazioa eta Legazpiko Udalarekin
lankidetzan, “Zuhaitz bat babestu” kanpaina solidarioa aurkeztu du.
Ekimen honen helburua da, herritarrek, Legazpin martxoaren 9an egingo den baso-berritze jardunaldian parte hartzea. Ekitaldiaren xedea da herritarrak sentsibilizatzea klima aldaketari aurre egiteko
praktika jasangarriek duten garrantziaz. Ingurumena kontserbatzearen, garapen ekonomikoaren eta gizarte-kohesioaren aldeko apustua.
Baserria Km0 Harakai kooperatiba Eusko Labela duten bere hanburgesak merkaturatzerakoan identifikatzen duen bereizgarria da. 300 baserritar baino gehiago elkartzen ditu, 1985tik gardentasuna eta ingurugiroaren jasangarritasunaren baloreak oinarri dituztenak.
Basoa Fundazioarekin sinatutako hitzarmenaren bidez, Baserria Km0-k ‘Arbol bat babestu’ proiektu solidarioa abian jarri du, zuhaitzak landatzeko helburuarekin. Ekintza honen bitartez bere harri-koskorra ekarri nahi du aldaketa klimatikoari aurre egiteko, atmosferako CO2 maila murrizten lagunduz.
Xabier Arruti Lurralde Oreka Berdeko diputatuak aurkeztu du ekimena eta hiru oinarri
nagusi azpimarratu ditu:
Tokiko inpaktua eta eragin globala duen baso-berritzea
Jon Ander Ostolaza, BSTK Basotik Fundazioko gerenteak, Gipuzkoako basoen kudeaketa
iraunkorra sustatzen duen fundazioaren funtsezko papera azpimarratu du: “BSTK Basotik
Fundazioan biodibertsitatea babesteko ez ezik, iraunkortasuna, ekonomia eta konpromiso
soziala integratuko dituen eredu bat sortzeko lan egiten dugu. Martxoaren 9an landatuko
diren haziak tokiko basoetan jasotako ezkurretatik datoz, bertako espezien iraunkortasuna
ziurtatuz eta gure basoen oreka osasuntsua sustatuz”. Gainera, azaldu du kanpaina honek
tokikoa gainditzen duen eragina duela: “Kanpaina honek ez du soilik CO2aren xurgapenean
laguntzen, baizik eta ekosistemak indartzen ditu eta klima-aldaketaren aurkako borrokan
herritarren lankidetza sustatzen du”.
Jasangarritasuna aldaketaren eragile gisa
Bestalde, Jose Pablo Larreak, Baserria KM0ko komunikazio zuzendariak, ekimen honetan
integratzearen garrantzia azpimarratu du: “Ekimen honekin lortu nahi duguna da
herritarrek ulertzea zuhaitz bat babesten duen pertsona bakoitzak etorkizun jasangarriago
baten eraikuntza aktiboan parte hartzen duela”. Baserria KM0 kooperatibak, ekonomia
zirkularra ardatz hartuta, euskal baserrietako haragia gure etxeetara eramaten egiten du
lan.
Ospatzeko eta parte-hartzeko eguna: martxoak 9 Legazpin
Martxoaren 9an, zuhaitz landaketa bat egingo da Olariagan, Legazpin, dibertigarria
bezain esanguratsua izango dena. Ekitaldia antzerki talde batek dinamizatuko du eta
bertaratzen direnentzat parrillada bat egongo da. “Familientzako esperientzia
gogoangarria izatea nahi dugu, zuhaitzak landatzeaz gain, gure ingurune naturalarekiko
konpromisoa elkarrekin ospa dezagun“, adierazi du Larreak.
Herritarren parte-hartzerako deia
Edurne Matiasek, Legazpiko Udaleko zinegotziak, herritar guztiak gonbidatu ditu basoberritze
jardunaldi honetan parte hartzera, herrian eta ingurumenean duen eragin
positiboa azpimarratuz: “Gutako bakoitzak gure hondar alea jartzeko eta Gipuzkoa
berdeagoa eta jasangarriagoa nahi dugula erakusteko aukera bat da hau”.
Parte-hartzeko
“Zuhaitz bat babestu” ekitaldian parte hartu nahi duten interesatuek Baserria KM0
produktuen lau etiketa bidali beharko dituzte otsailaren 28a baino lehen
apadrinaunarbol@baserriakm0.com helbide elektronikora. Banaka edo taldeka parte har
daiteke.
