Udako Azoka Ekologikoa: Zigoitia

Urtero bezala uda heltzearekin batera Euskadiko hainbat tokitan Udako Azoka Ekologikoak antolatuko dira. Herrietako kontsumo taldeek eta ekoizpen ekologikoaren aldeko herrialde mailako elkarteek antolatzen dituzte, Arabako Bionekazaritzak, Bizkaiko Ekolurrek eta Gipuzkoako Biolurrek kasu.

Guztira, 11 azoka antolatuko dira Euskadiko 11 herri desberdinetan; Zigoitian, Zarautzen, Zumaian, Donostian, Errenterian, Algortan, Zerainen, Mungian,  Gasteizen, Durangon, eta Eibarren.

Elikagai ekologikoen azokak erakuslehio aparta dira Euskadin dugun ekologikoen aniztasuna plazaratzeko. Udako azoka ekologikoak ekimena ingurugiroarekin errespetuan ekoizten duten profesionalen eta konpromezu bera eta kalitate ezinhobeagoko elikagaiak eskuratu nahi dituzten kontsumitzaileen topagunea da.