GAP Nireara batu da “Landa eta itsasertzeko ingurunearen parte hartzea sustatuz” proiektuaren bidez

GAP (Global Action Plan – Plan de acción global para la Tierra) elkarteak Nireara batzeko akordioa sinatu du. Modu honetan, mugimenduak defendatu eta transmititzen dituen baloreekiko kidetasuna aldarrikatu du, eta bere ekintzen bidez zabaltzeko hitza eman du. Ekintza hauek “Landa eta itsasertzeko ingurunearen parte hartzea sustatuz” proiektuaren bitartez gauzatuko dira honako helburu hauek lortzeko:

• Baserritarren eta arrantzaleen lanak Euskadiren garapen jasangarrian duen garrantzia azpimarratu.
• GAPeko langileak Euskadiko lehen sektoreak herritarrei egiten dizkien ekarpenei buruz sentsibilizatu.
• Ekintza eta tresna ezberdinen bidez, lehen sektorearen eta landa eremuaren balioen berri eman.
• Elikagaiak ekoizten dituzten pertsonak ikusarazi, Euskadiko landa emakumeen garrantzia azpimarratuz.

GAP pertsona eta erakundeengan jasangarritasunarekiko eraldaketak sustatzen dituen gobernuz kanpoko erakundea da. Bere helburua honako hau da: “Pertsonak ahaldundu, modu jasangarriagoan bizi daitezen”. Udalerrietara, ikastetxeetara, enpresa eta erakundeetara egokitzen diren programak garatzen ditu. Horrela, hainbat aldaketa proposatzen dituzte eguneroko bizitzan, Nazio Batuen Garapen Jasangarriko helburuak bete, berotegi-efektuko gasen isurketa eta lehengaiak gutxitu, eta kontsumo arduratsua sustatzen lagun dezaten.

GAP osatzen duen nazioarteko sareak 20 erakunde baino gehiago biltzen ditu. Euskadin, herritarrek parte hartzeko hainbat programa garatu ditu:

• Activate+ (Bizkaia, 2012-2018)
• ReActívate+ (Euskadi, 2018-2021)
• Sare Berdeak (Bizkaia, jardunean)

Nirea Sareko kide bezala, GAPek beste eragileekin elkarlanean aritzeko eta Sareak antolatzen dituen ekintzetan parte hartzeko aukera izango du.

Red Nirea