#NireaGertutik 2025ean zeharreko bidaia bat da, herritarrak Euskadiko landa- eta itsasertz-ingurunearekin konektatzeko, lehen sektorearen garrantzia nabarmenduz. Proposamen horren bidez, nekazaritzako elikagaien jarduerak gure gizartearen zutabe estrategiko gisa jokatzen duen funtsezko zereginaren berri eman nahi dugu, ez bakarrik kalitatezko elikagaiak ekoizteko duen gaitasunagatik, baita paisaia, biodibertsitatea eta euskal kultura babesteko egiten duen ekarpenagatik ere.
Zertan datza #NireaGertutik?
#NireaGertutik kanpaina Instagram bidez egingo da. Gure @nirea_akordioa profilean, hilero gonbidatuko ditugu euskal herritarrak Euskadiko landa- eta itsasertz-inguruneko zenbait alderdi aztertzera eta aintzat hartzera, denboraldi horretako jarduera adierazgarri bati lotutako hainbat gairi dagokienez. Helburua da parte-hartzaileek beren ikuspuntua ematea sektore horren funtsari buruz, estereotipoak hautsiz eta gure ingurunearen kontserbazioan erantzunkidetasuna sustatuz.
Horretarako, hilero jarduera-proposamen bat aurkeztuko da, dela argazkigintzakoa, dela elkarrekintzakoa edo beste dinamika batekoa, Euskadiko paisaia, tokiko merkatuak, euskal nekazaritza, gastronomia… bezalako gaiekin lotuta.
Euskal landa-ingurunearekin eta itsasertzarekin konektatuz
Euskal nekazaritzako elikagaien sektorea elikagaien hornitzaile bat baino askoz gehiago da. Gure tradizioen oinarria da, munduan identifikatzen gaituen gastronomiarena, gure lurra definitzen duen paisaiarena eta euskal kulturaren esentziarena. Landa-hirien arteko urruntzeak sektore horren funtzio-aniztasunari buruzko ezjakintasun orokortua ekarri du, gizartearentzat funtsezkoak diren ondasunak eta zerbitzuak sortzen baititu, hala nola lurraldearen kudeaketa iraunkorra, suteen prebentzioa, AKEOen harrapaketa eta ekosistema bakarren babesa.
#NireaGertutik programaren bidez, errealitate horren inguruan sentsibilizatu eta konpromiso aktiboa sustatu nahi dugu, sektoreko profesionalen lana baloratuz ez ezik, haien iraunkortasuna eta gizarte osora hurbiltzea sustatuko duten ohiturak sustatuz.
Nola parte hartu?
#NireaGertutik programan parte hartzea oso erraza da, eta Euskadin bizi diren eta Instagrameko gure kontuaren jarraitzaile diren adin nagusiko guztiei irekita dago. Kanal horren eta web orriaren bidez, hilero iragarriko dira gaiak eta parte hartzeko urratsak, dela argazkiak bidaliz, dela post hori sare sozialetako profiletan aipatuz eta partekatuz, etab.
Partehartzaile guztien artean, hilero Nekatur-en “Laia” Nekabonu bat zozketatuko da. Bertan, bi gau emango dira gela bikoitz batean, bi lagunentzako gosaria barne, edo bi gau bi lagunentzako apartamentu batean, biak euskal landa-ingurunean.
Euskadiren etorkizunarekiko konpromisoa
#NireaGertutik programarekin, kontsumitzen ditugun elikagaien, gozatzen ditugun paisaien eta partekatzen ditugun tradizioen atzean dagoen lana, pasioa eta konpromisoa ezagutzeko aukera eskaini nahi dugu.
Zure zain gaude Instagramen @nirea_akordioa!
Jarrai gaitzazu eta adi gure sare sozialetatara!
