Bentara goaz!
Bentara Goaz! proiektua Kofradia-Itsas Etxeak Eusko Jaurlaritzako Elikadura, Landa Garapen, Nekazaritza eta Arrantza Sailarekin eta HAZIrekin lankidetzan bultzatutako ekimena, Euskadiko artisau-arrantzaren belaunaldi-erreleboa lantzeko eta gazteak Gipuzkoako kofradietara eta lonjetara hurbiltzeko helburu estrategikoari erantzuteko sortu zen.
Bentara Goaz! Derrigorrezko Bigarren Hezkuntzako 1. mailatik 4. mailara bitarteko ikasleei zuzenduta dago, garai hori funtsezkoa baita gure gazteek lan-irteerak ezagutzen has daitezen eta baxurako arrantza haien artean egon dadin.
Eskaintza didaktiko hau hainbat fasez osatuta dago, eta ikasleek sektorearen egungo testuingurua ulertzeko beharrezkoak diren edukiak biltzen ditu. Gainera, lonja bat bisitatzeko eta haren jarduera ikusteko esperientzia bertatik bertara bizi ahal izango dute: kofradien bulegoetako lanetik hasita, deskarga bat, arrain salmenta, kanpaina nagusiak, …
