Lurzorua hezkuntza programa

Lurzorua” programaren helburuak dira, alde batetik, lur emankorra zaintzearen garrantzia transmititzea eta, bestetik, eskola-baratzak ematen dituen aukerak baliatzea arlo ezberdinetako kontzeptuak lantzeko. Aldi berean, ekoizpen eredu ekologikoaren alde apostu egiten duten baserritarrek lurrarekin hartzen duten konpromisoa erakutsi nahi da.

Jarduera hau, praktika aktibo baten bitartez ikasleak inguruko lurzoru emankorrera gerturatzean oinarritzen da.

Hezkuntza programa Amorebieta Etxanon garatzen da. Kontseiluaren egoitzan nekazaritza eta elikadura ekologikoari buruzko informazioa jaso ondoren, Ibarra Baserria bisitatzen da. Bertan lur laginak jasotzen dira eta nekazaritza-ekosistema horren osasun diagnostiko erreala egiten da.

Lehen Hezkuntzako 5. eta 6. mailako eta DBHko 1go zikloko ikasleei zuzendua dago, nagusiki ikastetxean eskola baratza duten taldeei zuzenduta. Egitaraua oso egokia da, halaber, Eskolako Agenda 20 30rekin loturiko edukiak landu nahi dituzten taldeentzat.

Harremanetarako: info@ekolurra.eus