Tolosako Beotibar Frontoian “Queseras vascas – Euskal Herriko Emakume Gaztagileak” liburuaren aurkezpena egin da gaur. Fernando Hualde eta Joseba Urretavizcaya izan dira egileak, idazle eta argazkilaria hurrenez hurren, Xibarit Argitaletxearen edizioarekin. Lan honek euskal emakume gaztagileei omenaldia egiten die, Euskal Herriko historia eta gaztagintzaren tradizioan funtsezko papera betetzen baitute.
Liburua 500 aleko edizio mugatu eta zenbakitu bat da, eta Euskal Herriko hainbat eremutako 12 gaztagileren bizitza eta lana gertutik ezagutzeko aukera eskaintzen du: Maider Agirrebarrena Beldarrain, Antsonea Gaztak (Uztegi); Izaskun Altxuri Arretxea eta Elena Jiménez Rey, Pirineki (Aurizberri – Espinal); Puy Arrieta Prosa, Ipiñaburu Gaztandegia (Zeanuri); Arantxa Goenaga Azkonobeitia, Yogures Goenaga (Donostia); Alicia Gonzalez Valero, Moraita Gaztandegia (Guardia); Helen Groome, Vista Alegre Baserria (Karrantza); Leire Ibarrola Gobantes, Izoria Gazta (Aiara); Silvia Lázaro Alfaro, Granja El Moro Gaztandegia (Figarol); Helene Rolland, Behere Borda (Menditte); Zuriñe Suarez Mola, Askibil Baserria (Igorre); Poline Texier, Behere Borda (Urepele); eta Ainhoa Zuriarrain Etxaniz, Oteiza-Goikoa Gaztandegia (Amezketa).
Amaia Barredo Eusko Jaurlaritzako Elikadura, Landa Garapen, Nekazaritza eta Arrantzako sailburuak, “euskal emakumeak Euskal Herriko landa inguruneetan duen ezinbesteko papera” azpimarratu du, “baserrietan eta etxeetan egiten duen lanagatik”. Ekitaldia ESNEKIren 3. edizioaren hasierarekin bat dator, Euskal Herriko gazta eta esneki produktuei eskainitako azoka, asteburu osoan zehar Tolosan ospatzen dena.
Ekitaldian parte hartu du egileak, Fernando Hualdek, honakoa nabarmenduz: “Liburu hau euren ahalegin guztiarekin gazta euskal produktu bihurtzeaz gain, gure nortasunaren eta historia kolektiboaren parte bizia egin duten emakumeei egindako omenaldia da”. Bertan izan dira, halaber, Andu Martinez de Rituerto (Tolosako alkatea) eta liburuan parte hartu duten gaztagileetako batzuk.
HAZIk eta Eusko Jaurlaritzako Elikadura, Landa Garapen, Nekazaritza eta Arrantza Sailak lagundutako lan honek, “emakumeak gaztagintzaren tradizioaren zaindariak eta ondare kulturalaren funtsezko zati izaten jarraitzen duen sektore baten protagonistak direla” azpimarratzen du. Amaia Barredok adierazi duenez, “liburu hau gure lurreko gaztagintza tradizioa zaindu eta indartu duten emakumeen lanari eta dedikazioari egindako merezitako aitortza da”.
Andu Martinez de Rituerto, Tolosako alkateak, honakoa azpimarratu du: “Gizartearen esparru askotan emakumeek izan duten rola ezkutuago izan da historikoki; honakoa errealitate horren beste adibide bat da. Gaztagintzan eta, oro har, lehen sektorean, funtsezkoak izan dira eta liburuak ahalegin hori ikusgarri egin, aitortu eta balioesteko aukera ematen digu. Tolosako Udaletik ere norabide horretan jarraituko dugu”.
Tolosako Udala, HAZI eta Eusko Jaurlaritzatik, kulturaren, gastronomiaren eta euskal tradizioen zale guztiak emakume gaztagileen istorioak ezagutzera gonbidatu nahi, hauek nola, dedikazio eta pasioarekin, euskal gaztagintza artisauaren funtsa bizirik mantentzen duten ikustera, eta ESNEKIren inguruan antolatutako programazioaz gozatzera.
Liburua erosi nahi duenak, xibarit.com web orrialdearen bitartez du horretarako aukera.
